O equipo estará formado por varias xogadoras que pasan da idade cadete así como tres incorporacións procedentes do Celtas Foz: Rosalía Rguez, Antía Río e María Pérez.
No día de onte presentouse tamén o equipo de Autonómica nun acto no que estiveron presentes o Concelleiro de deportes Francisco Rivas Dasilva así como o presidente do clube Pablo Maseda.
No equipo de autonómica continúa a maioría do plantel da temporada pasada salvo as baixas de Milca Rubal, Paula Tarrón e Cristina Rubal. Espéranse tamén varias incorporacións, unha xa confirmada como é a xogadora Raquel Picoaga; formada nas categorías inferiores das E.D. Lourenzá.
A vindeira semana as xogadoras están citadas para o primeiro adestramento no Municipal de Lourenzá o vindeiro mércores día 12 de agosto ás 20:00 horas.
