18 de ago. de 2016

Siro Maseda incorporase como adestrador da sección de Atletismo das Escolas. Maderas Barcia continuará como patrocinador un ano máis da sección.

Presentouse no día de onte no campo de Sta. Cruz os atletas que formaron parte estas pasada temporada da sección de atletismo das Escolas.
No acto estivo presente a Alcaldesa de Lourenzá Dª. Rocío López e o presidente das Escolas, D. Pablo Maseda.
A novedade para esta temporada é a incorporación ó corpo técnico de Siro Maseda, un laurentino amante do atletismo e que é moi coñecido na comarca posto que participa dende fai moitos anos en probas populares e en trails de gran fondo. Siro virá a reforzar a parcela técnica na que continúan Martín Pardiñas, Ismael Vallines e Rubén García.
Todos os atletas que queiran incorporarse a esta sección terán de prazo dende hoxe 18 de agosto ata o venres 23 de setembro; data na que se dará por pechada a sección.
Ademáis dende as escolas agradecen a colaboración que presta o Clube Atletismo Lourenzá nos adestramentos así como nas competicións á que se presentan as balas; posto que sabedes que case todos os fins de semana os nen@s das Escolas están presentes en múltiples frentes e sen esta axuda todo esta sería imposible.
Maderas Barcia continuará un ano máis patrocinando unha das seccións máis laureadas das escolas, polo que este ano se renovará a equipación que será presentada en breve; vestiario que volverá a incidir nas cores do clube; branco, vermello e negro.
Este vindeiro fin de semana o sábado as balas do Maderas Barcia estarán na Nocturna Popular de San Ramón en Vilalba e o domingo na Figueras Solidaria en Castropol.


Vídeo da Exhibición das Subcampionas Provinciais de Patinaxe