- Empezando polo pasado, ¿cómo foron os teus comezos como adestrador de fútbol?Empecei con 19 ou 20 anos, adestrando rapaces benxamíns e alevíns nas Escolas Deportivas de Cospeito e na S.G. Comercial. Posteriormente pasei varios anos sen adestrar por cuestión de estudos e laborais, ata que na tempada pasada empecei cos xuvenís do Pastoricense e na xornada 4 deixei de xogar para adestrar tamén ao equipo de afeccionados do Pastoricense.
- Dos equipos nos que estiveches, ¿cal te marcou de forma especial?Estiven en máis clubs como xogador que como adestrador, e de todos gardo gratos recordos e bos amigos. Cada club é diferente, e sempre che queda algo de cada un deles, pero sen dúbida o que máis me marcou e me segue a marcar é a Unión Deportiva Pastoricense. Será porque é o equipo do meu pobo, síntoo de maneira especial.
- Falando da liga de 1ª autonómica; ¿qué opinas do nivel dos equipos desta liga?É unha liga moi igualada, onde o nivel entre os equipos é moi parello. Por abaixo non hai ningún equipo descolgado que perda tódolos partidos, e na parte alta sobresae que non haxa un ou dous equipos máis sólidos que se destacarán 4 ou 5 puntos sobre o resto na loita polo segundo posto. O Chantada está un nivel por encima.
- Seguindo coa liga, Se Pastoricense remata a liga entre os dous primeiros clasificados, ¿ten intención de ascender a Preferente?Está claro que para un recén ascendido estar a estas alturas de tempada no terceiro posto invítao a soñar, pero somos conscientes de que somos o Pastoricense, vimos de segunda e o único que queremos e seguir disfrutando desta tempada. Está claro que se podemos quedar segundos non imos quedar terceiros, e posteriormente o que teña que ser será.
- Se o presidente do Pastoricense che concedera un desexo, ¿Qué lle pedirías?A Senén, ou a calquera outro presidente que teña a U.D. Pastoricense pediríalle que siga coa filosofía destes anos: traballo e humildade, e quen mellor che pode dar iso é a xente da casa. Polo tanto, que lle dean oportunidades aos rapaces da Pastoriza, sen importar a categoría na que se xogue, porque esa aposta ao final ten os seus froitos, é estámolo a ver, salvando as distancias, no noso equipo, no Lourenzá, no Burela ou no Chantada.
- Da plantilla do Lourenzá, ¿qué xogador levarías para o teu equipo?En Lourenzá hai xogadores moi interesantes, pero porque o coñezo desde que eramos nenos e xogamos xuntos no Cárnicos Río, e porque nesta liga é un xogador determinante, escollo a Recalde.
- ¿Cómo describirías á plantilla do Pastoricense? É un equipo moi compensado e amplío, con xogadores moi polivalentes o que permite cubrir as baixas con garantías e gañar en competitividade. Ademais é un equipo que se coñece moi ben, moi disciplinado e traballador, con ilusión e gañas de superación e, sobre todo, os seus xogadores son gañadores. A isto hai que unirlle que hai xogadores ao mellor non moi coñecidos, pero que están moi ben dotados técnica e tacticamente para a categoría.
- ¿Qué estilo de xogo intenta levar a cabo o Pastoricense?Ao mellor non facemos un fútbol vistoso coma outros equipos, pero creo que xogamos ben porque facemos ben o que queremos facer. Sabemos o campo e os xogadores que temos, eles son conscientes das súas calidades e coñecen os seus puntos fortes e débiles, e baseándonos neso propoñemos un fútbol ofensivo fundamentado no xogo directo, e defensivamente somos bastante sólidos.
- Se tiveras que definir á U.D. PASTORICENSE como club, dirías…O mellor club do mundo, cos seus defectos por suposto. Porque é o no que mellor o paso e o que me da máis satisfaccións, deportivas e sobre todo extradeportivas.
- Se tiveras que definir ás E.D. Lourenzá como club, dirías…É un club cunha filosofía similar ao Pastoricense pero que está moi por enriba, ten unha estrutura de base moito máis definida e sólida e por algo acada os recoñecementos que acada e é a envexa sa de moitos e moitos clubs e concellos. Sen dúbida, un exemplo para todos.
- ¿Cómo ves ó teu próximo rival, ó Lourenzá? É un moi bo equipo, moi forte sobre todo como local. Ten xogadores determinantes, un adestrador que lle imprime carácter ao equipo e saben perfectamente a que xogan. Levan tres partidos seguidos xogando a domicilio e só sumaron un punto, polo que estarán con moitas gañas e esperamos non pagar os pratos rotos.
- Predicións de futuro,
- Un equipo campión de Liga en 1ª división: o Barça
- ¿Quen ascenderá a Preferente? Chantada e…. aínda que debera dicir o Ribadeo porque está feito para iso, estando onde estamos teño que dicir o Pastoricense.
- ¿Quen descenderá a Segunda Autonómica? Depende do número de descensos que haxa, pero poñendo que baixen 6, decantome polos que agora mesmo ocupan eses postos (Escairón, Brollón, Valadouro, Folgueiro, Santaballés e Calasancio) aínda que o Valadouro está nunha dinámica moi positiva.
- Un resultado para o Lourenzá - Pastoricense: 0-1
- Citas: (Valen do Pastoricense,je,je…)
Un porteiro de 1ª autonómica: Josiño (Pastoricense)
Un defensa de 1ª autonómica: Iago (Pastoricense)
Un medio de 1ª autonómica: Mel (Pastoricense)
Un dianteiro de 1ª autonómica: Farra (Pastoricense)
Un adestrador de 1ª autonómica: Montoto (Chantada)
Unha afección de 1ª autonómica: a do Pastoricense, por suposto.
A máis complicada”Un árbitro de 1ª autonómica”: calquera, en xeral non teño queixa, teñen erros coma todos, non creo que máis que os adestradores e ou que os xogadores.
Fiz, adestrador do Pastoricense; posando co trofeo de campión de Liga de 2ª autonómica a temporada pasada
